Nel Oscec queamus patrás otru añu enllenu de sementera que a pocu a pocu va pulandu. Ogañu queremus senifical un proyetu PIT+ que estamus a desenroal junta la Nuversidá d’Estremaúra i el Sexpe, con el que mos proponemus esculcal la emportancia del patrimoniu lengüísticu comu recussu turísticu pa Estremaúra.
Un añu nel que amus trebajau con dámbalas deputacionis. Un añu 2023 en el que amus hechu omenagi al Gravielinu nel III Día delas Letras Estremeñas, i amus estau a Caçris a celebral el Día delas Lenguas d’Estremaúra junta’l Conceju de Caçris i la Consejería de Coltura dela Junta d’Estremaúra.
Con tó i con essu, ogañu va a sel mejol entovía porque los Reis Magus d’Uropa mos van a cael oru, incensu i mirra alas lenguas propias d’Estremaúra. En el 2024 el Conseju d’Uropa va a pubrical un inhormi nuevu a tentu la conserva delas lenguas amenuías d’Uropa que va a soponel un enantis i un endispués palas lenguas d’Estremaúra. Sean téntigus cona Revista Grada porque diremus cuentandu novedais a ca mes.
Dendi Oscec, en fin, queremus aprovechal pa deseal a tolos amigus dela Revista Grada un añu nuevu bien derecheru, peru mos queremus recordal tamién de tolos que mos án dexau ogañu, aziamenti del nuestru Cruz Díaz Marcos i dela genti güena que aballava dendi Montermosu.
En Oscec dejamos atrás otro año lleno de siembra que poco a poco va dando sus frutos. Este año queremos destacar un proyecto PIT+ que estamos desarrollando junto a la Universidad de Extremadura y el Sexpe, con el que queremos analizar la importancia del patrimonio lingüístico como recurso turístico para Extremadura.
Un año en el que hemos trabajado con ambas diputaciones. Un año 2023 en el que hemos homenajeado a José María Gabriel y Galán en el III Día de las Letras Extremeñas, y hemos estado celebrando en Cáceres el Día de las Lenguas de Extremadura junto al Ayuntamiento de Cáceres y la Consejería de Cultura de la Junta de Extremadura.
Pero aún así este año que entra va a ser mejor todavía porque los Reyes Magos de Europa nos van a traer oro, incienso y mirra a las lenguas propias de Extremadura. En el 2024 el Consejo de Europa va a publicar un nuevo informe acerca de la conservación de las lenguas minoritarias de Europa que va a suponer un antes y un después para las lenguas de Extremadura. Estén atentos a su Revista Grada porque iremos informando puntualmente.
Por último, desde Oscec queremos aprovechar para desear a todos los amigos de la Revista Grada un próspero año nuevo, pero nos queremos acordar también de todos los que nos han dejado este año, especialmente de nuestro Cruz Díaz Marcos y de la buena gente que viajaba desde Montehermoso.
